مبادئ كتابة اغنية راب.......ادخل واتعلم

اولا راح نتكلم عن اقسام الاغنيه كبدايه عشان نكون على بينه من الاول

تنقسم الاغنية عادة الى ثلاث اقسام اعتمادا على محتوياتها :

1-الانترو (يعني المقدمه غالبا تكون في لحن البدايه)
2-الكورس ( غالبا يكون مقطع يتكرر على طول الاغنيه احياننا يكون على اربع جمل واحياننا يكون على ثمان جمل ) وانا شوفت موضوع عنه كافي ووافي ويمكن تستفيدو منه
3-مقطع الراب (دائما يكونون 16 سطر لكل مقطع وغالبا يكون ثلاث كقاطع او اربعه في الاغنيه الوحده وعلى حسب طول الاغنيه )
4-الاوترو ( هو الخاتمه )

وفي اشياء اضافيه مثل اسكيت وهو المقطع من غير لحن قبل الاغنيه

واحيانا بوسط الاغنيه واحيانا في نهايتها << على حسب المزاج

الحين كذا اضن لما تجيك اغنيه تعرف وش

الي فيها وتعرف تقسمها حسب كلامنا الي فوق

والحين نجي لاهم حاجه وهي كيف

تكتب اغنيه حلوه تعجب الجمهور

الحين نرجع للمهم للي يبو يكتبو اغنيه

اولا لما تحاول تكتب اغنيه لازم يكون وعيك

في الموضوع الي تبي تكتب فيه كبير

وتعيش الكلام الي تكتبه وتحس فيه بقلبك وتعبر

عنها بكرشتك اقصد عقلك

وتركز في الكلام وتحط له لحن براسك

عشان يطلع معاك كلام منسق حلوو

نعطيكم مثـــــــــــــــــال :

لما اكون بعيد لحد يلومني بشي
لما اكون وحيد والعالم حولي حي
دقات قلبي تخفق بصمت مشاعر
وبداخلي يسري احساس شاعر

يعني حاول اذا كتبت اربع كلمات بالجمله الاولى

تكتب اربع كلمات بالجمله الثانيه

زي المثالي الي فوق شوف الجمله الاولى

تتكون من ست كلمات والثانيه نفس الشي

ويكون اخر كلمه في الجمله الثانيه لها نفس

الحرف لاخر كلمه في الجمله الاولى

واكرر عشان تطلع اغنيه حلوه عيش الكلام

الي انت تكتبه اسرح بالكلمات

وحس فيهم بقلبك وعبر عنهم بعقلك

ولازم يكون عند الكاتب حصيلة كلمات عشان

لا يتورط في نص الاغنيه

ما يلقى كلمه تمشي على الوزن الي عنده لازم

يكون عنده بدائل او كلمه شبيهه

نعطيكم مثـــــــال :

مكسور الجنحان مكسور الخاطر
حزين الماضي حزين الحاضر

شوف هنا كلمت الخاطر وكلمة الحاظر

فيهم شبه وجايه على نفس الوزن صح

وفي الراب تقدر تدخل بعض الالغاز وكلمات

كوميديه واحيانا يكون الموضوع الي تتكلم عنه جاد

فيكون الاسلوب فيه جاد والكلمات جاده

او يكون هجومي ولازم الكلمات الي تكون فيه قويه

يعني الراب ماله طريقه معينه انت الي تشوف

الطريقه الي تتناسب مع موضوعك وتعبر بهاا

خلوني اعطيكم مثال لاضافة الكوميديا والالغاز

بتم مواصل بالدرب الي مشيته لين النهايه
ماشي على خط الدائره وحلمي نقطه الصفر
نقطه الصفر تممركز بمركز الدائره
يعني 11 لاعب يركضون ورا كوره مدوره

ماشوفكم استغربتو منهم بالعكس تشجعون
بشنو هم احسن
يلعبون لعبتهم وانا العب لعبتي

هنا نشوف اسلوب استفهام وتعجب ولكن

بنفس الوقت اسلوب تريقه ( طنازه ) وتحدي

اتمنى يكون هالشي واضح

نرجع نتكلم الحين عن اللحن وتنسيق الكلمات

لازم يكون عدد الكلمات متناسقه على اللحن

مثلا بعض الالحان تحتاج انك تغني عليها بشكل سريع

فيحتاج انك تكتب عدد كلمات كثير في السطر

الاول عشان تمشي مع اللحن

ودائما وابدا الي تتبعه انك تخلي لحنك هو صوت

الطلقه وحاول تترك الاصوات الثانيه الي بلحن

وتخلي لحنك هو الي يمشي على الالحان الي بالخلفيه .

وهذا كل شي يتعلق في الكلمات وكيفية كتابة اغنيه